Ĉeftemo: Esperanto por multkultura Eŭropo

Je la unua fojo en la historio la Esperanto-movado forlasos sian kutiman kongresejon kaj prezentos sin en la urbo multloke kaj multflanke: ekzemple okazos a) publika kantado en la urbo kun lokaj infanoj kaj Esperantista kantisto; b) kongresanoj partoprenos en la la procesio okaze de la tradicia popolfesto; c) estas planite vizitoj al firmaoj, lernejoj, kluboj.

Atendos vin varia kulturprogramo dum la nacia vespero: multaj artistoj, muzikistoj, dancistoj kaj ankaŭ prezentantoj el la loka gimnazio, kiu donos hejmon por nia kongreso. Ankaŭ dum la internacia vespero vi trovos abundan muzik- kaj teatroprogramon.

Dum la kongreso okazos ankaŭ Eŭropa Konferenco organizata de Eŭropa Esperanto-Unio sub la temo: Signifo de la falo de Berlina muro por interhomaj kontaktoj inter Orienta kaj Okcidenta Eŭropo.

Pliajn informojn vi trovas ĉ: http://gek-eek.esperanto-urbo.de/page.php?pid=26398090