Saluton !

Mi prezentas min, mia nomo estas Boris-Antoine Legault. Mi estas nova prizorganto de mondakalendaro.org

Unue mi volas danki al la antaŭa prizorganto, Joan Catala pro lia bonega kaj pionira laboro !

En la lasta semajno, mi faris kelkajn ŝanĝojn al la retejo : vi rimarkos ke mi reordigis kaj modifis plurajn menuerojn, ktp.

Kunlaborantoj rimarkos iujn ŝanĝojn al publikigo de aranĝoj. Kreante vian aranĝon, vi devos elekti urbon, landon, kaj regionon. Vi ankaŭ elektos aranĝo-tipon, kaj trafajn temojn. Ankoraŭ ekzistas nur tri temoj, pro tio vi estos petata proponi pliajn temojn en aparta skatolo. Sekve, vi elektos repoŝtan kontakton kaj retpaĝan adreson (se ekzistas), lokon en la monda mapo, kaj devos verki priskribon. Plie, nun eblas alkroĉi dokumentojn kaj krei specialan URL-on por via paĝo. Tio povas esti utila se vi aŭ via asocio ne havas propran retejon. Tiel vi povos aldoni ĉiujn informojn kaj reklami vian eventon pere de la URL-o kiun vi kreos (ekz : http://www.mondakalendaro.org/miaevento). Fine, notu ke nun eblas krei "kopiojn" de eventoj. Ekzemple, vi povas kopii iun eventon kiu okazis antaŭjare kaj nur ŝanĝi la titolon kaj la datojn por la ĉi-jara versio.

Vi rimarkos ke la aspekto de novaj publikaĵoj iomete ŝanĝiĝis (komparu : http://www.mondakalendaro.org/node/1028 al http://www.mondakalendaro.org/node/128). Kiam vi kreas novan eventon, ĝi aperos laŭ nova stilo, sed se vi kopias malnovan okazaĵon ĝi aperos laŭ malnova stilo.

Fine, mi petas vin reklami pri Monda Kalendaro en viaj asocioj, en via persona retpaĝo, en retpoŝtaj listoj, ktp. Ankoraŭ Monda Kalendaro estas nesufiĉe konata, kvankam ĝi estas elstara ilo por anonci esperantajn eventojn. Kaj ne forgesu ke Monda Kalendaro ne nur helpas vin prezenti viajn eventojn, sed ankaŭ ĝenerale progresigas la esperantan movadon.

Mi dankas movademe,
Boris-Antoine Legault