NASK estas trisemajna studprogramo kiu emfazas aktivan uzadon de Esperanto en interkulturaj komunikado, kompreno, kaj kunlaboro. Ĝi okazas ĉiusomere ĉe la mondfama kaj sunoplena Universitato de Kalifornio ĉe San-Diego, Usono (UCSD).

Jes, KEF okazos en 2009, ĉi-foje revenanta al Danio kaj la ĉarmega urbo de Hamlet (almenaŭ de lia kastelo): Helsingør. La datoj estas la la 7a ĝis la 12a de julio 2009.

La plivivligata Nacia Asocio de Esperanto en Burundi invitas vin subteni la lokajn esperantistojn per partopreno en la Dua Nacia Kongreso de Esperanto, kiu okazos en Rumonge.

Ĉi-jare SES kun jam la dua fizika lernu!-renkontiĝo! La aranĝon gastigas malgranda slovaka urbeto Modra-Harmónia, nur 30km de la ĉefurbo Bratislava kaj 90km de Vieno.
La programo konsistos el kelkaj partoj:
* Antaŭtagmeze - instruado de Esperanto;
* Posttagmeze - ekskursoj, prelegoj, manlaboroj, sportoj, laborgrupoj ktp.;
* Vespere - Nacia kaj Internacia Vesperoj, koncertoj, filmo-spektado, diskoteko...

Esperanto-instruadon gvidos spertaj Esperanto-instruistoj en 4 grupoj, laŭ la lingvo-nivelo. Fine de la aranĝo la partoprenontoj ricevos atestilojn pri 26-hora kurso laŭ la niveloj de nova eŭropa referenckadro pri lingvo-instruado de A1 ĝis C1.
Komuna vojaĝo al IJK de SES! SES-2009 okazos tuj semajnon antaŭ IJK en Liberec, Ĉeĥujo, kien ni planas okazigi komunan vojaĝon. Tiel la partoprenantoj povos unue plibonigi siajn sciojn de Esperanto, kaj tuj poste utiligi ilin en unu el la plej popularaj tradiciaj junularaj Esperanto-aranĝoj. Vidu mapon: http://maps.google.com/maps/ms?hl=en&ptab=2&ie=UTF8&t=h&msa=0&msid=11164...